Rural Vs Urbano ?¿
Poderiamos definir o espazo rural como o oposto do urbano, o espazo rural podería definirse entón a grandes rasgos como área de menor densidade poboacional, maior dispersión, maior agricultura, menos servizos, máis natureza e menos tecnoloxía,por exemplo. Polo tanto, o urbano sería o oposto a estes rasgos; sería quizás demasiado atrevida esta definición, aínda que posiblemente se percibe máis facilmente.
Realmente non todos os espazos xeográficos se poden clasificar nalgunha destas dúas categorías tan facilmente, os espazos xeográficos non os podemos considerar entidades homoxéneas, pois teríamos zonas intermedias que se sairán destos límites.
Por outra parte, antes de diferenciar ambos espazos quizás teríamos que definir primeiro os límites dos mesmos pois éstos quizás sean un traballo máis laborioso do que nun primeiro intre poderíamos imaxinar todos; voltamos pois ó titulo desta páxina: Rural Vs Urbano??? Persoalmente considero que os límites non están tan claros como para contrapor estos dous conceptos, penso que realmente estos límites pertencen quizás máis a percepción de cada individuo que a unha percepción de carácter xeral que poida xeral uns límites máis definidos. Está claro que unha persoa de China pode considerar que os límites do rural co urbano pode atoparse en poboacións inferiores a 200.000 habitantes, pois a súa percepción do rural é moi distinta o do que pode ser a nosa, xa que se compartísemos a mesma, teríamos que reconsiderar a localización da nosa capital autónoma, pois Santiago de Compostela (con aproximadamente 96.000 hab.) atopariase no rural. Dedúcese pois a importancia da percepción nestos espazos e, sobre todo, á hora de definilos, porque quizás para algún Chino, por exemplo, Galicia seria integramente rural, o cal faría que máis dalgún político arrancase nun intre os poucos pelos que lle puidesen quedar na cabeza ante tal revelación.
A continuación, pódese observar un video que atopei en YouTube que intenta mostar a grandes rasgos as principais paisaxes xeográficas, creo que realmente pode ser util a hora de percibir visualmente os límites de dous espazos tan diferentes, como espazo rural e o espazo urbano, incluso diferencia zonas intermedias, pero sen afondar demasiado, tampouco a intención e de profundizar en esceso no tema; finalmente persoalmente considero que sempre debemos ter en conta os termos da percepción individual pois non todos os casos son perceptibles da mesma maneira, pois poden afectar inumerables variables.
Comentarios
Está claro para min,este partido gañao o medio rural sen dubida!!!